Корхонаи коркарди шири Ҷамъияти дорои масъулияти маҳдуди “Нури Сафар”
Бо ташабуси Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мохи сентябри соли 2020 дар деҳоти Оббурдони ноҳияи Мастчоҳ корхонаи коркарди шири Ҷамъияти дорои масъулияти маҳдуди “Нури Сафар” ба ифтитох дода шуд. Корхонаи коркарди шири “Нури Сафар” филиали Ҷамъияти саҳҳомии пушидаи “Комбинати шири Душанбе” дар ноҳияи Мастчоҳ буда, ба истиқболи сазовори ҷашни 30-солагии Истиқлоли давлатии Ҷумҳурии Тоҷикистон таъсис ёфтааст. Масоҳати умумии иншоот 2 гектарро дар бар гирифта, корҳои сохтмонӣ ва насби таҷҳизот моҳи апрели соли 2019 оғоз гардидааст. Корхонаи коркарди шир дорои ду бинои асосӣ ва дигар иншооти ёрирасон мебошад.
Бо мақсади коркарди шири маҳаллӣ ва таъмини талаботи аҳолӣ бо маҳсулоти хушсифати ширӣ хатти нави технологӣ, ки истеҳсоли кишварҳои пешрафтаи дунёст, ба корхона дастрас ва васлу насб карда шуд. Бояд гуфт, ки корхона ҷиҳати афзун намудани ҳаҷми истеҳсоли маҳсулот ширро аз аҳолӣ харидорӣ намуда, аз он 15 намуди маҳсулоти босифати ширӣ, аз ҷумла равғани маска, панир, сметана, қаймоқ, ҷурғот, чакка ва кефир истеҳсол менамояд.
Корхона имкон дорад, ки дар як шабонарӯз аз 7,5 то 8 тонна ширро коркард намояд. Ҳамчунин дар корхона дар баробари коркард ва истеҳсоли маҳсулоти ширӣ, истеҳсоли зарфҳои пластикии яккарата низ ба роҳ монда шудааст, ки асосан, барои маҳсулоти ширии худи ҳамин коргоҳ пешбинӣ шудааст.