ҶСП Комбинати Шири Душанбе
ҶСП Комбинати Шири Душанбе яке аз калонтарин корхонаҳои коркарди шир дар Ҷумҳурии Тоҷикистон мебошад. Марҳилаи якуми Комбинати шири Душанбе бо иктидори 110 тонна коркарди шир дар як баст ва дар як рӯз 10 тонна яхмос дар соли 1965 сохта ба истифода дода шудааст. Марҳилаи дуюми корхона соли 1976 сохта шуда буд ва дар натиҷа иқтидори корхона дар як баст то 228 тонна коркарди шир зиёд шуд. Соли 2005 Комбинат ба Ҷамъияти саҳҳомиӣ шакли пӯшидаи "Комбинати Шири Душанбе" табдил ёфт. Дар айни замон Завод дар як баст 65 тонна ашёи хомро коркард намуда, ҳамзамон зиёда аз 83 намуди маҳсулоти тайёрро истеҳсол мекунад.
Махсулотҳои мо
Дастовардҳои мо
Сертификатҳои мо
Истеҳсолоти мо
Соли 2014 дар Комбинат коргох барои истеҳсоли махсулоти кӯдакона, панири сахт ва муллоим, равған ва зарфҳои якмасрафа, ки бо таҷҳизоти технологияи баландсифат муҷаҳҳаз мебошанд, сохта ва ба истифода дода шуд. Таҷҳизотхои баландсифат аз Федератсияи Русия, Маҷористон ва Олмон харидорӣ карда шуд. Имрӯзҳо дар ин корхона зиёда аз 45 намуди маҳсулоти гуногуни ширӣ, аз ҷумла каймок, сметана, ҷургот, кефир, кефир мевагӣ, шири пухта, творог, шир, кофта, чакка, биокефир, 20 намуди панир, аз ҷумла “Веола”, “Сомониён”, “Холанди”,
“Бринза”, “Душанбе”, “Шоҳона”, “Пармезан”, “Российский”, “Панири Бофта”, “Сулугуни”, “Моцарелла”, “Адыгейский”, “Чеддер”, “Гауда”, равғани “Аркон”, равгани дехконии 72,5% ва дигарон, инчунин 16 намуди маҳсулоти кудакона: йогуртҳо аз меваҳои тару тозаи ватанӣ, батончики йодноки твороги, сироки твороги, творожок, шир бо шоколад ва ғайра. Дар истеҳсолот танҳо шир ва ашёи хоми табиӣ истифода мешавад, ки шири табииро аз хочагихои зотпарварии худи комбинат дастрас мекунанд.
Хочагиҳои зотпарварии мо
Соли 2012 Комбинат чорвои зотии Голштейнро аз Эрон ба миқдори 200 сар барои ҶДММ “Саодат” дар ноҳияи Рӯдакӣ ва дар соли 2013 200 сар чорвои зотии Симменталро аз Олмон барои ҶДММ “Саодат” дар ноҳияи Хуросон харидорӣ намуд. Маҳсулнокии ин чорвои зотӣ дар як сол беш аз 9000 литр ширро ташкил медихад, ки аз хушзод будани ин намуди чорвои зоти дар шароити иқлими Ҷумҳурии Тоҷикистон шаҳодат медиҳад. Ин хочагихои зотпарвари тибқи технологияҳои ғарбӣ сохта шуда, ба талаботи муосири соҳа ҷавобгӯ мебошанд.